அறிவர் கோவில் (சித்தன்னவாசல் )

அறிவர் கோவில் என்று அந்த சமணத்துறவிகள் என்ன காரணத்திற்க்காக பெயரிட்டார்களோ தெரியவில்லை அனால் இன்று சித்தன்னவாசல் என்றுகூறினால் போதும். உலகே அறிவர் அக்கோவிலின் பெருமையை ,

கிபி 6 மற்றும் ஏழாம் நூற்றாண்டின் இடைப்பட்டகாலத்தில் வரையப்பெற்றதாய் கருதும் அந்த தாமரைத்தடாகத்தையும் சமணத்தீர்த்தங்கர்களின் புடைப்புச்சிற்பங்களையும் காணும் பேறுபெற்றேன் .

குடைவறையின் உள்ளே மூன்று புடைப்புச்சிற்பங்கள் அமர்ந்தநிலையில் உள்ளனர் அவர்களின் நாமம் அறியபடவில்லை . அவ்வறையின் ஒரு  மேற்பகுதியில் சக்கரத்தின்நடுவே  தாமரை கவிழ்ந்தநிலையில் செதுக்கப்பட்டுள்ளது அதன் முனை உடைந்துள்ளது .

 அறையினுள் எங்கிருந்து ஓம் என்று கூறினாலும் அத்தாமரையின் வழியே ஓம் எனும் ரீங்காரம் நம் செவியில் விழுந்து மெய்சலிர்க்கவைக்கிறது அறைக்குவெளியிலுள்ள மண்டபத்தின் இருபுறமும் வடக்கு மற்றும் தெற்கில் மஹாவீரர் மற்றும் பார்சுவநாதர் `அமர்ந்தநிலையில் உள்ளனர் அம்மண்டபத்தின் மேற்பகுதியில்  பலவகையான உயிர்களும் களிப்புற்று இருக்கும் தடாகத்தின் ஓவியம் தீட்டப்பட்டுள்ளது .

அத்தடகத்தில் அல்லியம் தாமரையும்  பூத்துக்குலுங்குகின்றன அவற்றை துறவியர் கொய்து கூடைகளிலும் கைகளிலும் நிரப்பிக்கொண்டு இருக்கிறார்கள் அவர்களை கருத்தில் கொள்ளாமல் காட்டெருமைகள் இளைப்பாறுகின்றன ,பலவித மீன்கள் துள்ளிக்குதிக்கின்றன ,தனது இணையைப்பிரிந்தால் உயிரைமாய்த்துக்கொள்ளும் அன்றில்பறைவைகள் காதல்மொழிப்பேசி கூடிநிற்கின்றன மண்டபத்தூணின் முன்புறம் நவநாகரிக அணிகலன் அணிந்த இரு நாட்டிய பேரழகிகள் தங்களின் அழகையும் நளினத்தையும் நம்குலமகளிர் அப்பொழுதே நாகரீகத்திலும் நாட்டியக்கலைகளிலும் சிறந்து விளங்கினர் என்பதை பறைசாற்றுகின்றது அதனை வரைந்த ஓவியன் இருவருக்கும் முகபாவனை மற்றும்  அணிகலன்களில் அங்கஅசைவுகளில் தனித்தன்மை காட்டியுள்ளரார் .அத்தூணில் ஒருபுறம் பிற்காலத்தில் இதனை புதுப்பித்த பாண்டிய மன்னன் தன் தேவியுடன் நிற்க்கும் ஓவியம் தீட்டப்பட்டுள்ளது , இக்குடைவரைக்குன்றின் பின்புறம் இயற்கையாக அமைந்த குகையினுள் சமணத்துறவிகளின் படுக்கை வடிக்கப்பட்டுள்ளது அவற்றில் கிமு 2முதல் கிபி 10வரைவாழ்ந்து தவம்புரிந்த துறவிகளின் குறிப்புக்கள் பிராமி மற்றும் தமிழில் வடிக்கப்பெற்றுள்ளன .

அவற்றின் தொன்மையும் முக்கியத்துவையும் அறியாத இளம் தலைமுறை  காதல் கிறுக்கர்கள் தங்களின் கைவண்ணத்தை காட்டி சிதைத்திருப்பதுதான் அறிவர்கோவிலின் அருமையை மற்றும் நம் புராதனசின்னங்களை  அறியாமல் இருப்பதை  வேதனையுடன் வெளிப்படுத்துகின்றது .

 மேலரசூர் கிராமத்திற்கு சென்ற போது அங்கு் பாழடைந்த நிலையில் ஓர் சிவாலயம் என்னை ஈர்த்தது அதனைப்பற்றி அறிய அருகில் இருந்த முதியவரிடம் அனுகியபோது மிகவும் பழமைவாய்ந்தது என்றார் யார் கட்டினார்கள் என தெரியாது என்றும் சில வருடங்களுக்கு முன் சிலர் ஆராய்ந்தார்கள் அவர்கள்
 ஆலயத்தின் வாயிலின் முன்பு உள்ள அந்தக்கல்தூணைப்பற்றி கூறிய தகவலை கேட்டு அதிர்ந்தே போனேன் நம்முன்னோர்கள் பயன்படுத்திய அதிபயங்கர ஆயுதம்தான் அந்த கல்தூணில் உள்ளது என்றார்

அது வட்டவடிவில் இருவிரலால் எதிரிகள் மீது வீசி தாக்குதல் நடத்தும் அமைப்பில் இருக்கிறது மேலும் அந்ததூணில் உடுக்கை ஏர்கலப்பை வாள் மற்றும் கும்பமும் இருபுறமும் குத்துவிளக்கும் காணப்படுகிறது
ஆலயத்தின் சுற்றுச்சுவரில் இறைவனின் மீது பால்சொறியும் காமதேனுவின் புடைப்புச்சிற்பமும் இறைவனை பூஜிக்கும் மயிலும் அழகாய் கண்களுக்கு விருந்துபடைத்தது  இருப்பினும் அன்று செழிப்புடன் கம்பீரமாய் அருள்பாளித்த அந்த க்ஷேத்திரம் இன்று கவலை கொள்ளும் நிலையில் இருப்பதை காணும்பொழுது நெஞ்சத்தில் பெரும் துன்பம் ஆட்க்கொண்டது